Ўзбекистон Республикаси президентининг қарорига мувофиқ, Зокир Эшқурбонович Эшпўлатов Сув хўжалиги вазирининг ўринбосари, яъни сув хўжалиги объектларини эксплуатация (фойдаланиш) агентлигининг директори лавозимига тайинланди.
Ушбу лавозимга тайинловга қадар, у Вазирлар Маҳкамаси ҳузуридаги инвестиция, экспорт, савдо-сотиқ, қишлоқ ва сув хўжалиги масалалари бўйича котибият бош мутахассис лавозимида ишлаб келган.
Сув хўжалиги объектларини эксплуатация агентлиги директори зиммасига режалаштирилган жадвал асосида сув билан таъминлаш, сув ресурсларидан оқилона фойдаланиш, насос станцияларининг ишлашини бошқариш ва электроэнергия тежамкорлигини таъминлаш юклатилган.
