2024 йил 13 декабрь куни Ўзбекистон халқ артисти, дубляж устаси ва актёр Тўлқин Тожиев 88 ёшида вафот этди. У театр саҳнасидан ташқари “Маҳаллада дув-дув гап”, “Беш оғайнилар” каби фильмларда роль ижро этган ва ўзбек тилига “Иван Васильевич касбини ўзгартиради”, “Қалқон ва қилич”, “Афоня” каби машҳур киноларни дубляж қилган.
Тўлқин Тожиевнинг вафоти ҳақида Ўзбекистон Миллий академик драма театри маълум қилди.
Тўлқин Тожиевнинг ҳаёт йўли
Тўлқин Тожиев 1936 йил 13 апрелда Тошкент шаҳрида туғилган. У 1959 йилда Тошкент давлат театр ва санъат институтининг актёрлик факультетини тамомлаб, академик драма театрида иш бошлаган.
Театр саҳнасини жонлантирган ижролари орасида “Ревизор”, “Гамлет”, “Қирол Лир”, “Отелло”, “Алишер Навоий”, “Мирзо Улуғбек”, “Қизил рўмолдаги терагим” ва “Абу Али Ибн Сино” каби спектакллар алоҳида ўрин тутади. Шунингдек, у “Маҳаллада дув-дув гап”, “Оловли йиллар”, “Беш оғайнилар”, “Қора балиқ изи” каби фильмларда ҳам истеъдодини намоён қилган.
Дубляж соҳасидаги хизматлари
1955 йилдан бошлаб, Тўлқин Тожиев 1000 дан ортиқ фильмни ўзбек тилига дубляж қилишда иштирок этган. Унинг овози “Қалқон ва қилич”, “Афоня” ва “Иван Васильевич касбини ўзгартиради” каби машҳур киноларда эшитиш мумкин.
Мукофотлар ва тан олинган ютуқлари
1988 йилда у “Ўзбекистон халқ артисти” унвони билан тақдирланган. 1997 йилда эса “Дўстлик” ордени билан мукофотланган.
