2024 йил 7 декабрь куни Алишер Навоий номидаги Кино саройида Google Developers Group (GDG) ташкилотининг асосий тадбирларидан бири — GDG DevFest 2024 фестивали ўтказилади.
GDG DevFest — Google дастурчилар гуруҳи томонидан ҳар йили ташкил этиладиган глобал миқёсдаги тадбир бўлиб, унда дастурчилар, IT-мутахассислар ва техник соҳанинг вакиллари Google нинг энг сўнгги технология ва ишланмалари билан танишадилар.
Ушбу тадбир ўзбек дастурчилари учун Google нинг инновацион ечимлари билан яқиндан танишиш имконини берувчи ноёб майдондир.
Тадбирда қатнашиш бепул, фақатгина олдиндан ҳавола орқали рўйхатдан ўтиш керак.
