“Янги Ўзбекистон” кўчасида йўл қисмининг вақтинча ёпилиши муносабати билан транспорт воситалари ҳаракатини таъминлаш мақсадида альтернатив йўл йўналиши жорий этилди.
Мазкур ҳолатда ҳайдовчиларнинг қулайлиги учун Олимпия шаҳарчаси орқа томонидан — Мураббийлар кўчаси орқали қўшимча ҳаракат йўналиши ташкил қилинди. Энди ҳайдовчилар ўз ҳаракатларини айнан шу йўналишда давом эттиришлари мумкин.
Тегишли ташкилотлар ҳайдовчилардан йўл белгиларига амал қилишларини ва янги ташкил этилган йўналиш бўйлаб ҳаракат қилишда эҳтиёткор бўлишларини сўрашмоқда.
Йўл ҳаракатида юзага келаётган вақтинча ўзгаришлар учун узр сўралади ҳамда барча ҳайдовчиларга тушунча билан ёндошиш тавсия этилади.
