2024 йил 24 апрелдан бошлаб my.gov.uz порталида янги автомобилни рўйхатдан ўтказиш учун онлайн ариза топшириш хизмати тест тартибида ишга туширилди. Бу ҳақида Ягона интерактив давлат хизматлари портали (ЯИДХП) матбуот хизмати хабар берди.
Ҳозирча сервис фақат Тошкентдаги «Файзобод» рўйхатдан ўтказиш ва имтиҳон бўлимида амал қилмоқда. Агар синов муваффақиятли ўтса, ушбу хизмат бутун шаҳарда, кейинчалик эса мамлакатнинг бошқа ҳудудларида ҳам жорий этилади.
Онлайн рўйхатдан ўтказиш қандай ишлайди
my.gov.uz портали орқали ариза топширилганда, фойдаланувчига автоматик тарзда вақтинча давлат рақами ва тўлов учун инвойс берилади. Ариза берувчи хизмат кўрсатишнинг қуйидаги форматларидан бирини танлайди:
- Автомобилни рўйхатдан ўтказиш пунктига шахсан ташриф буюриб рўйхатдан ўтказиш;
- Чақирув хизмати — инспектор кўрсатилган манзилга келади (қўшимча тўлов эвазига).
Аризалар икки иш куни мобайнида кўриб чиқилади.
Выезд хизматида фуқаро хизмат кўрсатилгани ҳақида хабарнома олади (бундан аввал ЙҲХХ ходими ариза берувчи билан боғланади).
Шахсан ташриф буюрилганда, тўлов амалга оширилгандан сўнг «Файзобод» рўйхатдан ўтказиў бўлимига келиб, ариза рақамини айтиш керак бўлади. ЙҲХХ инспектори автомобилни кўздан кечиради, давлат рақами ва техник паспорт беради.
Рўйхатдан ўтказиш нархи:
- Рўйхатдан ўтказиш: 6,84 БҲМ (2,56 млн сўм), электромобиль, мотоцикл ва прицеплар учун — 1,5 БҲМ (562,5 минг сўм);
- Қайта рўйхатдан ўтказиш — 0,1 БҲМ (37,5 минг сўм);
- Давлат рақами — 3,5 БҲМ (1,31 млн сўм);
- Техпаспорт — 0,7 БҲМ (262,5 минг сўм);
- Техник кўрик — 0,1 БҲМ (37,5 минг сўм).
Бензинли автомобиллар учун умумий нарх — 4,17 млн сўм, электромобиль ва гибридлар учун — 2,17 млн сўмни ташкил этади.
Чақирув хизмати нархи тезкорликка қараб:
- 1 кунда етиб бориш — 4 БҲМ (1,5 млн сўм),
- 3 кунда — 3 БҲМ (1,125 млн сўм),
- 5 кунда — 2 БҲМ (750 минг сўм).
Агар масофа 10 кмдан ошса, ҳар бир км учун қўшимча 0,05 БҲМ (18 750 сўм) тўланади.
