Рим папаси Франциск 88 ёшида вафот этди, деб хабар берди Reuters. Понтифик 2025 йил 21 апрель куни эрталаб Ватикандаги резиденциясида вафот этди.
«Бугун соат 7:35 да (маҳаллий вақт билан) Рим епископи Франциск Отанинг ҳузурига қайтди. Унинг бутун ҳаёти Роббимиз ва Унинг Черковига хизмат қилишга бағишланган эди. У бизга Инжил қадриятлари билан садоқат, жасорат ва умумий муҳаббат билан яшашни, айниқса, энг камбағаллар ва жамиятнинг четга сурилган қатламларига нисбатан муҳаббат билан яшашни ўргатди», — дейилади Ватикан хабарида.
2025 йил февраль ойи ўрталарида понтифик оғир аҳволда нафас йўллари инфекцияси билан касалхонага ётқизилган эди ва март охиридагина Ватиканга қайтган. 20 апрель куни у узоқ танаффусдан сўнг илк марта Ватикандаги Санкт-Петр майдонида пайдо бўлиб, мўъминларни Пасха байрами билан табриклади.
Хорхе Марио Бергольо 1936 йил 17 декабрда Буэнос-Айресда туғилган. 2001 йил февралда Бергольо кардинал мақомига кўтарилган. 2013 йил март ойида, Папа Бенедикт XVI лавозимдан кетганидан сўнг, Бергольо Католик черкови раҳбари этиб сайланган. Франциск — Лотин Америкасидан сайланган тарихдаги илк понтификдир.
