Қозоғистон Республикаси ҳукумати матбуот хизматининг хабар беришича, 2025 йил 18 январдан бошлаб, Қозоғистондан чет мамлакатларга картофель экспорти 6 ой муддатга чекланди. Бундай ҳаракатларни амалга оширишнинг асосий сабаби қилиб, ички бозордаги картошка нархларини барқарорлаштириш ва спекуляцияни олдини олиш кўрсатилган.
Расмий хабарда шундай дейилган: “Қўшни мамлакатлардан, шу жумладан, Ўзбекистоннинг картофелга бўлган талаби ошиши, экспорт учун нархларнинг ўсиши натижасида, картофель экспорти миқдори 1.5 марта ошган, яъни 411 минг тоннадан 605 минг тоннагача. Сўнгги ҳафтада экспортга ишловчи корхоналарда картофель нархининг кескин ошиши кузатилган, 170 тенгадан 270 тенгегача”.
Ушбу чеклов Евроосие Иқтисодий Иттифоқига таалуқли эмас, лекин экспорт бу йўналишларда ҳам кузатув остида қолади.
Қозоғистон Республикаси Қишлоқ хўжалиги вазирлигининг изоҳига кўра, картофель захиралари 2025 йил мамлакат ички бозори талабини тўлиқ қондириш учун етарли. 2024 йилда Қозоғистонда картошка нархи ўртача 37.7% га ошган.
Ўзбекистон статистика қўмитасининг хабарига кўра, 2024 йилнинг январь-ноябрь ойлари давомида Ўзбекистонга 627 минг тонна картошка импорт қилинган. Бу кўрсаткичнинг 74.2%, яъни 465.2 тоннаси Қозоғистондан олиб келинган. Ўзбекистонда картошка 2024 йил давомида деярли 40% га қимматлашган.