«Ўзгидромет» маълумотига кўра, 8−11 март кунлари Ўзбекистоннинг айрим тоғли ҳудудларида ёғингарчилик ва ҳарорат ўзгариши сабабли қор кўчиши хавфи эълон қилинди.
Қор кўчиши эҳтимоли юқори бўлган ҳудудлар:
- Қашқадарё вилояти: Деҳқонобод, Китоб, Қамаши, Шаҳрисабз туманларида;
- Сурхондарё вилояти: Бойсун, Қумқурғон, Сариосиё, Узун туманларида;
- Самарқанд вилояти: Нуробод, Қўшработ, Самарқанд, Ургут туманларида;
- Жиззах вилояти: Бахмал, Зомин туманларида;
- Тошкент вилояти: Оҳангарон, Бўстонлиқ, Паркент туманларида (Чотқол тоғ тизмаси);
- Наманган вилояти: Поп туманида.
Тоғли ҳудудларда истиқомат қилувчи фуқаролар, дам олувчилар ва ҳайдовчилардан эҳтиёт чораларини кўриш сўралди.
