Португалиялик мутахассис Педро Морейра “Пахтакор” футбол клубига янги мураббий этиб тайинланди. У билан шарнома “1+1” схемаси бўйича тузилди, яъни 1 йилга ва кейин яна 1 йилга чўздириш имконияти билан. Шартномага кўра, ойлик маоши ҳақида маълумотни очиқлашга тақиқ белгиланган.
“Пахтакор” футбол клубининг директори Жаҳонгир Ортиқхўжаевга кўра, “Пахтакор”ни 2022 йилдан бошқариб келган собиқ мураббий Максим Шацких, клуб раиси маслаҳатчиси лавозимига ўтказилади. Ундан ташқари, “Пахтакор”нинг ҳужумчиси Драган Черан учун ҳам бу мавсум сўнгги бўлишини очиқлади. 2018 йилдан тошкентлик клубда тўп сурган 38 ёшли ҳужумчи 151 ўйинда 99 та гол урган.
Ушбу тадбирда, “Пахтакор” клубининг стадиони кейинги 2025 йили реконструкция қилиниб, ФИФА стандартларига мос равишда ўзгартирилиши ҳақида маълумот берилди.
Мураббий олдида янги мавсумда Ўзбекистон чемпиони бўлиш мақсади қўйилган. Эслатиб ўтамиз, 2024 йилги мавсум 30 ноябрда якунланган ва “Пахтакор” 5 йил кетма-кет чемпионликдан сўнг, 6-ўринда якунлаган.
Педро Морейра асосан Паулу Фонсеканинг ёрдамчиси сифатида “Порту”, “Брага”, “Шахтёр Донецк” ва “Рома” клубларида ишлаган. 2022 йилдан мустақил мураббий сифатида Португалия чемпионатининг 2-лигасида “Торренси” футбол клубида фаолиятини бошлаган.
