Ўзбекистоннинг Ўрта ер денгизида жойлашган орол давлати – Мальтадаги биринчи элчиси этиб, Италияда 2023 йилдан бери элчи бўлиб ишлаб келаётган Абат Файзуллаев тайинланди.
ИА «Дунё»нинг хабар беришича, Абат Файзуллаев ишонч ёрлиқларини Мальта президенти Мириам Спитери Дебонога топширди.
Учрашув чоғида Мальта президенти икки мамлакат ўртасидаги географик узоқликка қарамай, ўзаро боғлиқ манфаатлар ва мақсадлар мавжудлигини, бу эса кўп қиррали ҳамкорликни ривожлантиришга хизмат қилишини таъкидлади.
2024 йил сентябрь ойида икки давлат ташқи ишлар вазирлари илк бор БМТ Бош Ассамблеясининг Нью-Йоркдаги йиғилишида иштирок этиш доирасида учрашув ўтказдилар. Жорий йил январь ойида Москвада резиденцияси билан Мальтанинг Ўзбекистондаги элчиси тайинланган эди, Валлеттада эса ТИВлар ўртасида биринчи маслаҳатлашувлар раунди бўлиб ўтди.
Абат Файзуллаев шунингдек, Римдаги халқаро ташкилотлар (ФАО, ЖССТ, БМТ УНП) ҳузурида Ўзбекистоннинг доимий вакили ҳисобланади, 2024 йил декабридан эса Кипрдаги биринчи элчи сифатида фаолият юритмоқда.
