Ўзгидромет маълумотига кўра, Ўзбекистон ҳудудида апрелнинг биринчи кунларида қуруқ ва илиқ об-ҳаво сақланиб қолади.
Ҳаво ҳарорати ошишда давом этади. Душанба ва сешанба кунлари кундузи ҳарорат +22…+27 даражагача кўтарилади, иш ҳафтасининг охирига келиб +28…+30 даражага, мамлакатнинг жануби ва чўл ҳудудларида эса +33 даражага етади. Бу апрель ойи боши учун одатий меъёрлардан 5−7 даража баланд эканини синоптиклар таъкидламоқда.
Қорақалпоғистон ва Хоразм вилоятида 1−3 апрель кунлари қуруқ ва илиқ об-ҳаво бўлиши, кундузи ҳарорат +25…+30 даражани ташкил этиши кутилмоқда. 4 апрель куни ҳарорат 5−7 даражага пасайиши ва ёмғир ёғиши мумкин.
Шамол тезлиги 7−12 м/с, 3−4 апрель кунлари айрим жойларда 15−20 м/сгача кучайиши мумкин.
Тошкентда 1−2 апрель кунлари кундузи +24…+26, 3−4 апрель кунлари +26…+29 даражани ташкил этади.
