Хитойлик электромобиллар ишлаб чиқарувчиси Leapmotor ўзининг янги модели – Leapmotor B10 ни тақдим этди. Бу модель “B” сериясининг биринчи ва LEAP 3.5 инновацион архитектурасида қурилган модели бўлиб, 2025 йилнинг энг муҳокама қилинаётган янгиликларидан бирига айланди.
Презентация ва дебют
Leapmotor B10 биринчи марта 2024 йил октябрида Париж автосалонида дебют қилди, замонавий дизайн ва юқори технологияли ечимларни намойиш этди. 2024 йил ноябрда Auto Guangzhouда ҳам тақдим этилган модель 2025 йил 10 мартдан сотувдан олдинги буюртмалар қабул қилина бошланди. Расмий савдо 2025 йил апрель ойида бошланиши режалаштирилган, Европа бозорига чиқиши эса 2025 йил охирида кутилмоқда.
Техник характеристикалар
Leapmotor B10 LEAP 3.5 модулли архитектураси асосида ишлаб чиқилган бўлиб, юқори интеграцияланган аппарат ва дастурий ечимларни тақдим этади. Модель 5 эшикли, орқа қисми ҳаракатга келтирувчи (задний привод) компакт кроссовер ҳисобланади.
Кучи ва аккумулятори
- Базавий комплектацияси: 132 кВт (177 от кучига эга) кучга эга электродвигатель, 175 Нм бурилиш қуввати; 56,2 кВт·с лик LFP аккумулятори билан таъминланади. CLTC цикли бўйича тахминан 510 км масофага етади; 0 дан 100 км/с гача тезлашиши – 9,3 сонияда.
- Максимал комплектацияси: 160 кВт (214 от кучи эга) кучли электродвигатель, 240 Нм бурилиш қуввати; 67,1 кВт·с LFP аккумулятори билан таъминланади, бу эса тахминан 600 км масофага етиши режалаштирилган; 0 дан 100 км/с гача тезлашиш 6,8 сонияда.
- Зарядлаш: DC тез зарядлаш орқали 30% дан 80% гача тахминан 20 дақиқа ичида тўлади.
Ўлчамлари ва массаси
- Узунлиги: 4515 мм
- Кенглиги: 1885 мм
- Бўйи: 1655 мм
- Ғилдирак базаси: 2735 мм
- Массаси: 1670 дан 1705 кг гача
Қўшимча маълумот
Модель юқори технологияли ҳайдовчи ёрдам системалари билан таъминланиши мумкин. Топ комплектацияларда Hesai ATX LiDAR тизими жойлаштирилган бўлиб, бу ярим-автоном ҳайдовчилик функцияларини амалга ошириш имкониятини беради. Информацион-кўнгилочар тизими Qualcomm (Snapdragon 8155 ёки 8295) процессорлари асосида ишлайди.
Нархлар ва комплектациялар (АҚШ доллари бўйича)
Leapmotor B10 5 хил вариантда таклиф этилади, икки гуруҳга бўлинган:
- 510 км масофали вариантлар: бошланғич нархи тахминан $15,100. Кейинги вариантлар тахминан $16,500 ва $17,850
- 600 км масофали вариантлар: нархлар тахминан $17,850 дан бошланиб $19,230 гача.
Энг сўнгги комплектациялари LiDAR тизими билан жиҳозланган.
Сотув ва истиқболлар
Янги электрокроссовер Leapmotor B10 бозорда улкан қизиқиш уйғотди: сотувлар бошлангандан кейин 60 дақиқа ичида 15,010 та буюртма, 48 соат ичида эса умумий буюртмалар сони 31,688 тага етди. Ушбу буюртмаларнинг тахминан 73% LiDAR билан жиҳозланган вариантларга тўғри келган. Компания B серияси учун ойлик сотувлар 40,000 дан ортиқ бўлишини ва 2025 йилда умумий сотув ҳажмини 500,000 дан 600,000 тага етказишни режалаштирмоқда.
Leapmotor B10 юқори технологияли ечимлар, техник хусусиятлар ва рақобатбардош нархлар билан бирлашган ҳолда, электрокроссовер сегментида энг жозибадор таклифлардан биридир. Халқаро автосалонларда муваффақиятли дебют қилиши ва ички бозордаги жонли сотувлари моделни нафақат Хитойда, балки Европа бозорида ҳам етакчи ўринга чиқариши мумкин.
