Ўзбекистонда иситиш мавсуми учун белгиланган 500 куб метрлик базавий газ истеъмоли меъёрининг амал қилиш муддати 1 мартдан 1 апрелгача узайтирилди. Бу ҳақида Энергетика вазирлиги хабар берди.
Мазкур қарор президент Шавкат Мирзиёев топшириғига асосан Вазирлар Маҳкамасининг қарори билан маъқулланган. Қарорга асосан, март ойида ҳаво ҳарорати пасайиши кутилмоқда, айрим кунлари тунги ва кундузги ҳарорат 0°C дан пастга тушиши мумкин, бу эса одатдагидан совуқ бўлади.
Шуни таъкидлаш керакки, иситиш мавсуми ташқарисида газ истеъмоли учун базавий меъёр ойига 100 куб метрни ташкил этади.
