Ўзбекистон футбол уюшмасининг хабарига кўра, 2025 йилдан Ўзбекистон футзал федерацияси тузилади ва ўз фаолиятини бошлайди. Ушбу федерациянинг президенти этиб, тадбиркор ва BMB Holding раиси Бекзод Маматқулов тайинланди. Унинг ўринбосари этиб, “Ўзсаноатқурилишбанк” бошқарув раиси Азиз Акбаржонов ва бош котиби этиб, Маруфжон Абдуллаев тайинланди.
2002-2004 йилларда Ўзбекистонда мини-футбол уюшмаси, 2004-2017 йилларда футзал уюшмаси фаолият юритган. 2017 йил октябрь ойида ушбу спорт 2 йўналишга ажратилган: миллий терма жамоа Футбол федерацияси бошқарувига, ички чемпионат ва кубок эса – профессионал футбол лигаси бошқарувига ўтган.
