Самарқанд ҳокимиятининг хабарига кўра, Afrosiyob тез юрар поезди 2025 йилдан бошлаб Каттақўрғон шаҳрида тўхтовни амалга оширишни бошлайди. Ушбу ўзгартиришлар, 2024 йил 29 ноябрдаги президент қарорига асосан амалга оширилади. Ундан ташқари, ҳужжатда Самарқанд ва Каттақўрғон шаҳарлари орасида “электричка” (электр қувватида ўрта тезликда ҳаракатланадиган поезд таркиби) ҳаракатини ҳам ташкил этиш акс эттирилган.
Қарорга мувофиқ, “Булунғур – Самарқанд – Жума – Каттақўрғон” янги йўналиши бўйлаб ҳам темир йўл ҳаракатини йўлга қўйиш кўзда тутилган. Ушбу режаларни амалга ошириш давомида, темир йўл станцияларининг инфратузилмалари янгиланади ва янги поездлар таркиби харид қилинган.
