2024 йил 31 октябрдаги йиғилишида, Марказий банк пул-кредит сиёсатининг 2025 ва 2026-2027 йилларга лойиҳасини тасдиқлади.
Асосий сценарий:
Ўзбекистон ялпи ички маҳсулоти (ЯИМ) 2025 йилда 5.5-6% га ўсиши, 2026 ва 2027 йилларда 6-6.5% га ўсиши режалаштирилган. Бунга эришиш учун пул-кредит сиёсатига ва давлат бюджетининг кирим/чиқимларининг бошқарувига бўлган қаттиқ талаблар бажарилиши керак. Шу талаблар бажарилса, инфляция миқдори 2025 йилда 6-7% га тушиши мумкин.
2025 йилга режалаштирилган давлат томонидан бошқариладиган нархларнинг ўсишини ва 2024 йилги озиқ-овқатдаги инфляциянинг қийматини инобатга олган ҳолда, 5% инфляцияга эришиш 2026 йилнинг иккинчи қисмига қолдирилишига асос бўлиши мумкин.
Альтернатив сценарий:
Ушбу сценарийда ташқи рискларнинг иқтисодиётга бўлган салбий таъсири инобатга олинган. Ички талабни ва йўқотишларни камайтириш мақсадида, фискал чораларни қўллаш кўзда тутилган, яъни ҳукумат ички инвестиция ва иқтисодиётни қўллаб-қувватлаш чораларини кўриши мумкин.
Натижада, 2025 йилда иқтисодий ўсиш 5-5.5%, 2026 йилда 5-6% ва 2027 йилда 5.5-6.5% га эришиш кутилмоқда. Инфляция эса 2025 йилда 7-8%, 2026 йилда 6% ва 2027 йилнинг биринчи ярмида 5% га тушиши режалаштирилган.
Хавфли сценарий:
Инфляцияни ошишига таъсир қилувчи омилларни ўзига олган сценарийда, инфляция қиймати 2025 йилда 8-9%, 2026 йилда 7-8% ва 2027 йилнинг охирига келиб 5% ни ташкил қилиши мумкин.