Ўзбекистоннинг 6 вилоятида жойлашган тоғли ҳудудларда 2025 йил 20—25 март кунлари кутилган ёғингарчилик ва ҳаво ҳароратининг ўзгариши туфайли кўчки хавфи эълон қилинди, деб хабар берди “Ўзгидромет”.
Кўчки хавфи қуйидаги ҳудудларда кутилмоқда:
- Қашқадарё вилояти: Деҳқонобод, Қамаши, Китоб ва Шаҳрисабз туманлари;
- Сурхондарё вилояти: Бойсун, Қумқурғон, Сариосиё ва Узун туманлари;
- Самарқанд вилояти: Нуробод, Қўшработ, Самарқанд ва Ургут туманлари;
- Жиззах вилояти: Бахмал ва Зомин туманлари;
- Тошкент вилояти: Оҳангарон, Бўстонлиқ ва Паркент туманлари (Чотқол тоғ тизмаси);
- Наманган вилояти: Поп тумани.
Тоғли ҳудудларда яшаётган фуқаролар, сайёҳлар ҳамда мазкур ҳудудларга ҳаракатланувчи ҳайдовчилардан хавфсизлик чораларига риоя қилиш сўралмоқда.
