Фарғона вилояти Боғдод тумани ҳокими ўринбосари 8000 доллар олаётган вақтда қўлга олинди, деб хабар берди Ўзбекистон Давлат хавфсизлик хизмати.
Текширув материалларига кўра, у Бешариқ тумани фуқароси онлайн аукцион орқали ижара ҳуқуқи билан ютиб олган 2,4 сотих ер участкасини бошқа фуқарога мулк қилиб беришни ваъда қилган.
Намангандаги маҳаллалардан бирининг ҳоким ёрдамчиси маҳаллий фуқарога «Яшил макон» лойиҳаси доирасида ажратилган 8 сотих ерга бир йиллик фойдаланиш ҳуқуқи билан ҳужжатларни расмийлаштириб беришни, сўнгра ер тоифасини нотурар жойдан турар жойга ўзгартиришни ваъда қилган. Бунинг эвазига у 6000 доллар талаб қилган. У келишилган суммани олаётганда қўлга олинди.
Шунга ўхшаш ҳолат Янги Наманган туманидаги маҳаллада ҳам аниқланди. Ҳоким ёрдамчиси фуқародан давлат захирасидаги 12 сотих ерга туман ҳокимлиги ва Кадастр хизматидаги танишлари орқали ҳужжатларни расмийлаштириб бериш эвазига 16 минг доллар сўраган. У 6000 доллар олаётганда ҳибсга олинди.
Ҳокимликларнинг уччала вакилига нисбатан ҳам жиноят ишлари қўзғатилган, тергов олиб борилмоқда.