Тошкентда жисмоний ва юридик шахсларга тегишли бўлган участкалардаги дарахтлар ва бошқа ўсимликларни баҳорги ва ёзги даврда ичимлик суви билан суғоришга қўйилган чеклов бекор қилинмоқда. Бу Ўзбекистон президентининг 2025 йил 25 ноябрдаги пойтахтдаги экологик вазиятни яхшилаш бўйича кечиктириб бўлмайдиган чора-тадбирлар тўғрисидаги фармонида назарда тутилган.
Шу пайтгача суғоришга фақат соат 0:00 дан 5:00 гача бўлган даврда рухсат берилган эди.
Ичимлик сувидан бошқа мақсадларда фойдаланиш тақиқи ўз кучида қолади.
Кўп квартирали уйлар яқинидаги ўсимликларни суғориш учун сув захиралари бўлган резервуарлар ўрнатилади.