Регулятор матбуот хизматининг хабар беришича, Ўзбекистон Марказий банки раисининг 3 нафар янги ўринбосари тайинланди. Нодирбек Муҳаммадиевич Ачилов бунгача Марказий банкнинг пул-муомала операциялари департаментига раҳбарлик қилган.
Санжар Салайдинович Носиров илгари Марказий банк (МБ) кредит ташкилотлари фаолиятини тартибга солиш методологияси департаменти раҳбари лавозимини эгаллаган.
Нусраттулла Ниғматуллаевич Фазилов илгари МБ банкларнинг пруденциал назорати департаментига раҳбарлик қилган.
МБ раҳбарининг аввалги ўринбосарлари Содир Мелибоев (2023 йил июлидан ишлайди) ва Аюбхон Камалов (2020 йил декабридан буён лавозимда) бу лавозимлардан озод этилди.
