Ўзбекистон президенти Шавкат Мирзиёев куч тузилмалари раҳбарларига махсус ва ҳарбий унвонлар бериш тўғрисидаги фармонларни имзолади. Бу ҳақда давлат раҳбарининг матбуот котиби Шерзод Асадов хабар берди.
Ҳужжатларга кўра:
- Бош прокурор Ниғматилла Йўлдошевга 2-даражали давлат адлия маслаҳатчиси махсус унвони берилди;
- Мудофаа вазири Шуҳрат Холмуҳамедовга генерал-лейтенант ҳарбий унвони берилди (бунгача — генерал-майор);
- Ички ишлар вазири Азиз Тошпўлатовга генерал-лейтенант махсус унвони берилди (бунгача — генерал-майор).