Ўзбекистон автомобиль бозоридаги фаоллик барча сегментларда ўсиб, 2024 йил январидан бери максимал даражага етди. Бу ҳақда Иқтисодий тадқиқотлар ва ислоҳотлар маркази (ИТИМ) хабар берди.
2025 йил июль ойида Ўзбекистонда 116,8 мингта автотранспорт воситаси сотилган, бу июнь ойига нисбатан 27%га кўп ва 2024 йил январидан бери максимал кўрсаткич (144,5 минг).
Енгил автомобиллар
Енгил автомобилларнинг умумий савдо ҳажми қарийб 100 минг донани ташкил этди, бу 2025 йил июнь ойига нисбатан 25%га кўп. Бу 2024 йил сентябридан бери энг юқори кўрсаткич.
Энг катта ўсиш Тошкент (+51%), Наманган (+49%) ва Хоразм (+40%) вилоятларида қайд этилган.
Таққослаш учун: 2025 йил июнь ойида енгил автомобиллар савдо ҳажми 3%га ошган бўлса, июль ойидаги ўсиш суръатлари сезиларли даражада тезлашганини кўрсатмоқда.
ИТИМ маълумотларига кўра, йиллик ҳисобда (2024 йил июлига нисбатан) сотувлар 8,6%га ошган.
Янги ва ҳайдалган автомобиллар
Бир ой ичида янги енгил автомобиллар сегментида сотувлар 38,2%га ошиб, 38,4 минг донани ташкил этди. Шундан 32,9 мингта автомобиль Ўзбекистонда ишлаб чиқарилган (+38,6%), 5400 га яқини эса импорт қилинган (+35,8%).
Ишлатилган енгил автомобиллар савдоси 61,5 минг донага етди (июнь ойига нисбатан +18%). Бу ҳам 2024 йил сентябрь ойидан бери энг юқори ҳажмдир.
Таққослаш учун: июнь ойида сотувлар ҳажми май ойига нисбатан 0,4 фоизга паст бўлган.
Электромобиллар
Агар 2025 йил июнь ойида енгил электромобиллар савдосининг ўсиш суръатлари секинлашган бўлса (-1,7%), июль ойида кескин сакраш кузатилди: 6500 га яқин дона сотилди (июнь ойига нисбатан +28,2%), бу кузатувларнинг бутун даври учун рекорд бўлди.
2025 йил биринчи чорак якунларига кўра, Ўзбекистонда автомобиль импорти олиб кириш қоидаларининг кучайтирилиши фонида кескин қисқарди, деб хабар беради Марказий банк. Янги автомобиллар бир йилда сўмда 4,7%га, долларда 1,6%га қимматлашди. Ишлатилганлари арзонлашишда давом этмоқда. Иккиламчи бозордаги фаоллик талаб ва харид қобилиятининг пасайиши туфайли камаймоқда.
