Ўз саҳифаларида букмекерлик хизматларини реклама қилган икки блогер жавобгарликка тортилди, дея хабар берди Ўзбекистон Монополияга қарши курашиш қўмитасининг матбуот хизмати.
Идора Melbet букмекерлик савдо белгисидан фойдаланилган, шунингдек, қимор ўйинларини тарғиб қилувчи саҳна кўринишлари акс этган видеороликлар блогерлар Амирхон Шамсиддинов (amirxan_uzbek) ва Дониёр Илёсовга (donik_krash) тегишли эканини аниқлади.
Қўмита «Реклама тўғрисида»ги қонунга кўра, Ўзбекистонда қимор ва таваккалчиликка асосланган бошқа ўйинларни тарғиб қилиш тақиқланганини эслатиб ўтди.
