Yandex Go хизматидаги буюртмалардан ҳайдовчилар, курьерлар ва ҳамкор таксопаркларнинг даромади 2024 йилда қарийб 530 миллион долларни, 2025 йилнинг биринчи ярмида эса қарийб 340 миллион долларни ташкил этди, бу 2024 йилнинг шу даврига нисбатан бир ярим баравар кўп. Yandex Uzbekistan раҳбари Иззат Шукуров маълум қилди.
Бу суммага Такси, етказиб бериш, озиқ-овқат ва Lavka хизматлари ҳайдовчилари, курьерлари ва ҳамкорларининг компания хизматлари комиссияси чегириб ташлангандан сўнг олинган буюртмалардан тушган даромадлари киради.
2025 йил июнь ойи маълумотларига кўра, Yandex Go такси ва етказиб бериш хизматларида фойдаланувчилар буюртмаларини 179 минг ҳайдовчи ва 49 минг курьер бажарган. Компания буюртмаларни 7-8 соат давомида бажарадиган ижрочилар улушининг сезиларли даражада ошганини қайд этмоқда.
Аввал хабар берилганидек, 2 июлдан Ўзбекистонда онлайн такси агрегаторлари ўзини ўзи банд қилган ҳайдовчилар ва курьерларнинг йиллик даромади 100 миллион сўмдан ошса, уларнинг даромадларидан солиқ ушлаб қолиши шарт. Солиқ қўмитаси Yandex Uzbekistan буюртмаларни бажарувчилардан солиқ ажратмаларини интеграция қилган ва автоматлаштирган мамлакатдаги биринчи компания бўлганини таъкидлади.
