Ўзбекистон Республикаси Президенти Шавкат Мирзиёев 2025 йил 27 июнь куни нишонланадиган Матбуот ва оммавий ахборот воситалари ходимлари куни муносабати билан соҳа ходимлари бир гуруҳини мукофотлади. Бу ҳақдаги фармон унинг матбуот хизмати томонидан эълон қилинди.
Мукофотланганлар орасида «Газета.uz» муҳаррири Элина Сакаева ҳам бор бўлиб, у «Шуҳрат» медали билан тақдирланди. У нашрда 9 йилдан буён фаолият юритади, аввал UMS компаниясининг матбуот котиби, «Ўзбекистон ўқитувчиси» газетаси мухбири бўлган ва «Келажак овози» ёшлар ташаббуслари марказида ишлаган.
Умуман олганда, «мамлакатимизда амалга оширилаётган демократик ислоҳотларни чуқурлаштириш, фуқароларнинг ахборот соҳасидаги конституциявий ҳуқуқларини таъминлаш, сўз ва матбуот эркинлиги, ошкоралик тамойилини қарор топтириш, глобал ахборот маконида миллий манфаатларимизни ҳимоя қилишдаги катта хизматлари, Янги Ўзбекистондаги улкан ютуқларни кенг оммалаштириш, юқори малакали замонавий журналист кадрларни тайёрлаш, ёш авлодни Ватанга муҳаббат ва садоқат руҳида тарбиялаш борасидаги самарали фаолияти ҳамда ижтимоий ҳаётдаги фаол иштироки учун» 39 нафар киши мукофотланди.
Мукофотланганлар рўйхати
«Ўзбекистон Республикасида хизмат кўрсатган журналист» фахрий унвони
- Салим Дониёров — «Янги Ўзбекистон» ва «Правда Востока» газеталари бош муҳаррири;
«Меҳнат шуҳрати» ордени
- Иқболжон Мирзаалиев — «Жадид» газетаси бош муҳаррири;
«Дўстлик» ордени
- Райҳон Амангелдиева — Ўзбекистон Миллий телерадиокомпанияси Нукус телерадиомаркази филиали видеоёзув гуруҳи катта электромеханиги, Қорақалпоғистон Республикаси;
- Зоҳид Кенжаев — Наманган вилояти Тўрақўрғон тумани «Давр» газетаси муҳаррири;
- Камол Матяқубов — «Адолат» газетаси мухбири;
- Фарҳоджон Миршарипов — Фарғона вилояти телерадиоканали бош муҳаррири ўринбосари, Сох телеканали гуруҳи раҳбари;
- Шуҳратжон Орипов — «Бизнесни ривожлантириш банки» акциядорлик-тижорат банки матбуот хизмати раҳбари;
- Абдижалол Раҳимов — Тошкент вилояти Чиноз тумани «Чиноз ҳаёти» газетаси бош муҳаррири ўринбосари;
- Андрей Титчук — Ўзбекистон Миллий телерадиокомпанияси «Dunyo bo‘ylab» телеканали ахборот-янгиликлар дастурлари таҳририяти монтажчиси;
- Сайдулла Ўринбоев — Ўзбекистон Миллий телерадиокомпанияси «Маданият ва маърифат» телеканали телеоператорлар гуруҳи телеоператори;
- Ҳайдар Ҳасанов — Ўзбекистон Миллий телерадиокомпанияси «Ўзбекистон 24» ижодий бирлашмаси директори ўринбосари;
- Рўзимбой Ҳасанов — Қорақалпоғистон Республикаси ва Хоразм вилояти бўйича «ХХI аср» газетаси мухбири;
«Соғлом авлод учун» II даражали ордени
- Акбар Нурматов — Ўзбекистон Журналистика ва оммавий коммуникациялар университети ЮНЕСКО ва ихтисослашган медиа кафедраси мудири;
- Баҳор Холбекова — Сирдарё вилояти бўйича «Ишонч» ва «Ишонч» газеталари мухбири;
«Соғлом турмуш» медали
- Иброҳим Жумаев — Навоий вилояти «Саломатлик» газетаси муҳаррири;
«Келажак бунёдкори» медали
- Мирали Ғиёсов — Тошкент шаҳар «Sharoit plus» нодавлат нотижорат ташкилоти лойиҳа менежери;
«Шуҳрат» медали
- Фазлиддин Абилов — «Халқ сўзи» ва «Народное слово» газеталари таҳририяти бош муҳаррири ўринбосари;
- Дилмурод Авазов — «Oriat Dono» радиоси мусиқий муҳаррири;
- Муножот Адилова — Daryo.uz интернет-нашри таҳрирлаш бўлими корректори;
- Элдар Асанов — «Asanov formati» телеграм-канали асосчиси, блогер;
- Собит Аҳатов — Xabar.uz интернет-нашри ахборот-коммуникация технологиялари ва инновациялар бўлими муҳаррири;
- Нигора Гапирова — «Шарқ» нашриёт-матбаа акциядорлик компанияси муқовалаш цехи муқовалашчиси;
- Ҳидоят Жумаев — Бухоро вилояти телерадиоканали ижодий-ишлаб чиқариш гуруҳи телеоператори;
- Азиз Қаршиев — Kun.uz интернет-нашри муҳаррири;
- Шамшидин Қорабоев — Фарғона вилояти оммавий ахборот воситалари фахрийлар кенгаши фаоли, фотограф;
- Зилола Мадатова — «Маърифат» газетаси бош муҳаррири ўринбосарлари;
- Никита Макаренко — ижтимоий тармоқлардаги «Эффект Макаренко» саҳифаси яратувчиси, блогер;
- Холмумин Маматрайимов — Ўзбекистон Миллий ахборот агентлиги Сурхондарё вилояти бўйича шарҳловчиси;
- Гулрух Мўминова — Самарқанд вилояти «Зарафшон» ва «Самарқандский вестник» газеталари таҳририяти махсус мухбири;
- Шуҳрат Муслимов — Ўзбекистон Миллий телерадиокомпанияси «Ўзбекистон МТРК телерадиомаркази» давлат муассасаси телевидение ва радио кўчма техник хизмати бошлиғи;
- Аҳмад Нур — Тошкент шаҳар «SAS-Mеdia» МЧЖ раҳбари;
- Камолиддин Раббимов — «Kamoliddin Rabbimov» телеграм-канали асосчиси, сиёсатшунос ва блогер;
- Сарваржон Раҳимов — Ўзбекистон Миллий телерадиокомпанияси «Ўзбекистон 24» ижодий бирлашмаси сиёсий шарҳловчиси;
- Наргизахон Рашидова — «Менинг юртим» телеканали эфирга узатиш бўлими муҳаррири;
- Элина Сакаева — Gazeta.uz интернет-нашри муҳаррири;
- Салим Саматов — Қашқадарё вилояти Косон тумани ахборот-кутубхона маркази абонемент ва фойдаланувчиларга хизмат кўрсатиш бўлими мутахассиси;
- Хайрулла Ҳамидов — Ўзбекистон Миллий телерадиокомпанияси Sport ижодий бирлашмаси шарҳловчиси;
- Лазиза Шерова — «Ўзбекистон овози» газетаси парламент фаолияти бўлими мудираси;
- Нилуфар Яқубжонова — Андижон вилояти телерадиоканали радиогуруҳи катта муҳаррири.
