2025 йил 12 июнь куни Ҳиндистонда Air India авиакомпаниясининг Boeing 787 Dreamliner самолёти ҳалокатга учради, дея хабар бермоқда ОАВ. Ҳалокат содир бўлган лаҳза видеога тушиб қолган.
અમદાવાદ પ્લેન ક્રેશનો લાઈવ વીડિયો વાયરલ#Ahmedabad #planecrash #tv13gujarati #Airindia pic.twitter.com/V2xuwryAHc
— TV13 Gujarati (@tv13gujarati) June 12, 2025
Лондонга йўл олган AI171 рейси лайнери мамлакат ғарбидаги Аҳмедобод аэропортидан кўтарилганидан кўп ўтмай турар-жой мавзесида қулаб тушган. Қулашдан олдин экипаж муқаррар ҳалокат ҳақида хабар берган.
Бортда 2 нафар учувчи ва 10 нафар борт кузатувчиси, жами 242 киши бўлган, деб ёзади Times of India.
Ҳалокат кўтарилгандан бир неча дақиқа ўтиб содир бўлган. Қулаш жойидан олинган видеода осмонга кўтарилаётган қалин қора тутун устуни кўринади.
Air India ҳалокат тафсилотларини аниқлаётганини ва яқин орада батафсил маълумот беришни ваъда қилди.
Қулаш жойида қутқарув ишлари олиб борилмоқда.
Бу 2011 йилда тижорат рейсларини амалга ошира бошлаган Boeing 787 Dreamliner самолётларининг биринчи ҳалокатидир.
Рўйхат рақами VT-ANB бўлган ҳалокатга учраган лайнер 11 йилдан буён фойдаланилган.
