Бухоро вилоятининг Жондор туманида ўнлаб болалар Damas микроавтобусларида ташилгани аниқланди, деб хабар берди Ўзбекистон ИИВ ЙҲХББ матбуот хизмати.
Икки нафар ҳайдовчи ўз автомобилларида 20 ва 16 нафар вояга етмаган болани — жами 36 нафар болани иккита машинада олиб кетаётган бўлган.
«Бу хавфли сафарлар болаларни боғчалардан олиб кетиш вақтида содир бўлган ва фақатгина йўл ҳаракати инспекторларининг ўз вақтида аралашуви туфайли юз бериши мумкин бўлган фожианинг олди олинди. Ўта масъулиятсизлик қилган ҳайдовчилар аллақачон жавобгарликка тортилган», — дейилади хабарда.
Қайд этилишича, айбдорларга, жумладан, болалар боғчаларининг масъул шахсларига нисбатан чора кўриш учун юқори ташкилотларга тақдимнома киритилган.
Етти ўринли Damas русумли автомобиллардан болалар боғчаси тарбияланувчиларини хавфсизлик қоидаларини бузган ҳолда ташиш ҳолатлари етарлича кенг тарқалган. Май ойи бошида Деновда (Сурхондарё вилояти) битта микроавтобусда хусусий болалар боғчасидан 32 нафар бола ташилган. Сирдарё вилоятида ҳайдовчи 28 нафар тарбияланувчини олиб кетаётган бўлган. Бундан бир неча кун олдин Наманган вилоятининг Косонсой туманида Damasʼда бир вақтнинг ўзида 25 нафар бола ташилгани аниқланган эди.