2025 йилнинг биринчи чорагида (январь-март) Тошкентда уй ижараси бўйича ўртача нархлар 2024 йилнинг шу даврига нисбатан анча паст бўлди. Бу ҳақида Вазирлар Маҳкамаси ҳузуридаги Макроиқтисодий ва ҳудудий тадқиқотлар институти хабар берди.
Энг катта пасайиш 1 хонадонли ва 2 хонадонли квартиралар сегментида кузатилди. Шу билан бирга, 4 хонадонли квартиралар ижараси бироз қимматлашди — асосан пойтахтнинг Шайхонтоҳур туманидаги люкс турар жойлар таклифининг кўпайиши ҳисобига.
2025 йил март ойида Тошкентда оддий таъмирдан ўтказилган квартиралар ижараси ўртача нархлари 2024 йил мартига нисбатан анча камайди:
- 1 хонадонли — 296 доллар (2024 йили — 356 доллар, 16,6%га пасайиш);
- 2 хонадонли — 379 доллар (396 доллар, 4,6%га пасайиш);
- 3 хонадонли — 454 доллар (467 доллар, 2,9%га пасайиш);
- 4 хонадонли — 521 доллар (538 доллар, 4,7%га пасайиш).
Ўртача таъмирланган квартираларни ижарага олишда энг арзон туманлар:
- Сергели тумани: 1 хонадонли — $297, 2 хонадонли — $373, 3 хонадонли — $432, 4 хонадонли — $443;
- Олмазор тумани: 1 хонадонли — $287, 2 хонадонли — $347, 3 хонадонли — $408, 4 хонадонли — $474.
Ижара нархи юқори бўлган туманлар:
- Шайхонтоҳур тумани: 1 хонадонли — $345, 2 хонадонли — $462, 3 хонадонли — $582, 4 хонадонли — $617;
- Яккасарой тумани: 1 хонадонли — $381, 2 хонадонли — $528, 3 хонадонли — $616, 4 хонадонли — $700.
2025 йил март ойида тўлиқ таъмирдан чиққан 1, 2 ва 3 хонадонли квартираларни ижарага олиш ҳам 2024 йил мартига нисбатан арзонлашган:
- 1 хонадонли — $411 (472 долларга нисбатан, 13,1%га пасайиш);
- 2 хонадонли — $547 (644 доллар, 15%га пасайиш);
- 3 хонадонли — $728 (788 доллар, 8,5%га пасайиш).
Шу билан бирга, 4 хонадонли квартиралар ижараси қимматлашиб, 957 долларга етган (ўтган йили — 909 доллар, 3,1% ўсиш).
Тўлиқ таъмирланган квартиралар ижараси бўйича арзон туманлар:
- Сергели тумани: 1 хонадонли — $327, 2 хонадонли — $417, 3 хонадонли — $513, 4 хонадонли — $641;
- Учтепа тумани: 1 хонадонли — $386, 2 хонадонли — $450, 3 хонадонли — $534, 4 хонадонли — $625.
Энг қиммат ижара туманлари:
- Миробод тумани: 1 хонадонли — $484, 2 хонадонли — $731, 3 хонадонли — $1027, 4 хонадонли — $1328;
- Шайхонтоҳур тумани: 1 хонадонли — $521, 2 хонадонли — $732, 3 хонадонли — $1093, 4 хонадонли — $1381.
Январь ва февраль ойларига оид нархлар билан ҳаволалар орқали танишиш мумкин.
Таҳлиллар OLX.uz платформасидан веб-скрейпинг усули орқали тўпланган очиқ маълумотлар асосида амалга оширилган. Ҳисоб-китоблар учун 2025 йил март ойидаги 39 мингдан зиёд, февраль ойидаги 37,5 минг ва 2024 йил март ойидаги 52,2 минг эълонлардан фойдаланилган. Ҳар бир тўпламдаги чегаравий 5% нархлар таҳлилдан чиқариб ташланган.
