Бугун, яъни 2025 йил 11 мартдан 12 мартга ўтар кечаси Европа Чемпионлар лигаси 1/8 босқичининг жавоб учрашувлари бўлиб ўтади.
“Барселона” – “Бенфика”. Биринчи учрашувда испанияликлар 1-0 ҳисобида меҳмонда ғалаба қозонишган ва бугун мезбон сифатида португалияликларни қабул қилади. Ўйин Ўзбекистон вақти билан соат 22:45 да бошланади.
Соат 01:00 да бошланадиган ўйинлар
“Байер” – “Бавария”. Дастлабки ўйинда мюнхенликлар ўз уйида 3-0 ҳисобида устун келишган.
“Интер” – “Фейеноорд”. Миланликлар ўтган ҳафта бўлиб ўтган учрашувда меҳмонда 2-0 ҳисобида ғалаба қозонган.
“Ливерпуль” – “ПСЖ”. Кечанинг кутилган учрашувларидан бири. Биринчи ўйинда парижликларнинг катта устунлигига қарамасдан, англияликлар ўйин якунланишига яқин гол уриб, 1-0 ҳисобида меҳмонга зафар қучишган. Бугунги ўйин ҳам жанговар бўлиши ва “ПСЖ” ҳужумкор ўйин ўтказиши кутилмоқда.
