2025 йил 27 февралга ўтар кечаси бир неча қизиқ ўйинлар бўлиши кутилмоқда.
Шу жумладан, Англия премьер-лигасининг навбатдаги турида, “Тоттенхэм”га қарши “Манчестер Сити” меҳмонда майдонга тушади ва ҳамюртимиз Абдуқодир Ҳусановнинг асосий таркибда тушиш эҳтимоли юқори. Ўйин Тошкент вақти билан 00:30 да бошланади.
Англия премьер-лигасида бошқа қизиқарли учрашувлар ҳам режалаштирилган. “Манчестер Юнайтед” ўз уйида “Ипсвич Таун”ни қабул қилса, 2 ва 3-ўринларда кетаётган “Арсенал” ва “Ноттингем Форест” ўзаро куч синашишади. Пешқадам “Ливерпуль” ўз майдонида “Ньюкасл”ни қабул қилади.
Испания кубоги ярим финалининг дастлабки ўйинида “Реал Мадрид” “Реал Сосьедад” меҳмони бўлса, Италия кубоги чорак финалининг ўйинида “Ювентус” Туринда “Эмполи”ни қабул қилади. Чорак финалнинг яна бир ўйинида “Интер” ўз майдонида “Лацио”ни 26 февралга ўтар кечаси 2:0 ҳисобида мағлуб этди.
