Президент ҳузуридаги Статистика агентлигининг хабарига кўра, 2025 йил январь ойида Ўзбекистонда инфляция 0.72% ни ташкил этди. Бу 2024 йил январь ойидаги кўрсаткичдан (0.64%) юқори, лекин 2023 йил январь инфляциясига нисбатан (0.82%) паст.
Йиллик инфляция (ўтган йил январь ойига нисбатан) 9.89% га етди (бир ой олдин 9.8% эди).
Озиқ-овқат маҳсулотлари нархлари биринчи ойда 0.8% га (йиллик 2.6%) ошди, ноозиқ-овқат товарлари 0.3% га (7.7%), тўловли хизматлар эса 1.1% га (27%) қимматлашди.
Январь ойида асосий нарх ошиши қуйидаги озиқ-овқат маҳсулотларида кузатилди: суякли гўшт – 1.1% (йиллик 14.8%), қўй гўшти – 1.2% (16.2%), кунгабоқар ёғи – 2.2% (18.1%), пахта ёғи – 1.9% (19.5%), сут – 0.3% (5.8%).
2025 йилнинг январ ойида тухум нархи кескин тушиб, 14.3% га (йиллик -22.4%) пасайди. Гуруч ва майда гуруч маҳсулотлари 1% га (-6.9%), товуқ оёқлари 0.1% га (-2.1%), шакар 0.7% га (-4.1%) арзонлашди.
Картошка 23.9%, пиёз 3.4%, сабзи 2.9%, бақлажон 59.6%, булғор қалампири 13.2%, лимон 7.9%, карам 6.9%, банан 6.5% га қимматлашган. Помидор (-1.1%) ва бодринг (-1.7%) эса арзонлашган.
12 ой ичида картошка 68.1%, сабзи 24.1%, карам 13.1%, пиёз 1.9% га қимматлашди. Шу давр мобайнида бодринг 21.7%, помидор 36.9%, олма 14.4% га арзонлашган.
Январь ойида алкоголь маҳсулотлари 0.4% (йиллик 10%), тамаки маҳсулотлари 0.7% (11.8%) га қимматлашди.
Коммунал хизматлардан фақат чиқинди ташиш хизматлари 4.6% га қимматлашган. Уй-жой таъмирлаш материаллари ва хизматлари 0.1-0.3% оралиғида ошган.
Йиллик ҳисобда газ таъминоти (2.3 баробар) ва электр таъминоти (1.7 баробар) энг юқори инфляцияни кўрсатди.
Дори-дармон нархлари январь ойида яна 0.7% га, йиллик эса 25.2% га ошди, шу жумладан антибиотиклар 28% га қимматлашди. Стационар даволаниш хизматлари йиллик 13.5% га ошган.
2025 йилнинг январь ойида газ ёқилғиси нархи пасайди. Пропан 13.2% га арзонлашди (бир йилда 8.3% га қимматлашди). Метан 0.1% га арзонлашди (йиллик 20.9% га ошган). Бензин эса бир ойда 1.5% (йиллик 3.9%) га қимматлашган.
Темир йўл чипталари йиллик 13.2% (январь ойида 0.9%) ошди, такси хизмати 12.1% қимматлашган, аммо авиачипталар 0.8% га арзонлашган.
Январь ойида газета ва нашрлар нархи ўртача 15.3% га ошган. Кинотеатрлар хизмати 3.7% (йиллик 20.5%), театрлар 3% (12.6%), маданият ва дам олиш боғлари 22.4% га қимматлашди.
Давлат болалар боғчалари нархи 2025 йилнинг биринчи ойида (январь) 21% (йиллик 45.2%), хусусий боғчалар 1.1% (11.3%), репетитор хизматлари 1% (16.2%) ошган.
Январь ойида меҳмонхона хизматлари нархлари озиқ-овқат ва ичимлик хизматларига нисбатан тезроқ (5.7% га қарши 0.6%) қимматлашди. Аммо йиллик ҳисобда меҳмонхона хизматлари 10.5% га ошган.
Дам олиш марказлари хизмати барча ҳудудларда 4.1-17.5% оралиғида қимматлашди.
Олтин ва кумушдан тайёрланган никоҳ узуклари 3.8% га нархи кўтарилган.