Джеймс Кэмерон режиссёрлик қилган “Аватар: Олов ва Кўл” фильми 2025 йил 19 декабрь куни кинотеатрларда намойиш этилади.
Ҳали камида учта “Аватар” фильми йўлда эканини ҳисобга олсак, Пандора ҳақида ҳали жуда кам маълумотга эгамиз. Бир неча йил олдин “Аватар: Сув йўли” фильмида денгизга боғлиқ Меткайина қабиласи билан танишган эдик. Жорий йил охирида эса нафақат жангари, оловга боғлиқ Кўл қабиласи (Ash Clan), балки эркин ва қизиқарли ҳаво қабиласи – Тлалим (шунингдек, “Шамол савдогарлари” деб ҳам аталади) билан ҳам танишамиз. Бугун ушбу қабиланинг етакчисига биринчи бор назар ташлаш имконига эгамиз.
Empire нашри орқали Шамол савдогарлари етакчиси Пейлак билан танишамиз. У Гарри Поттер ва Мўъжизакор аёл фильмларидаги роллари билан танилган Дэвид Тьюлис томонидан гавдалантирилган. “Улар кўтаринки кайфиятда, хушчақчақ ва ранг-баранг”, — дейди костюмлар дизайни бўйича мутахассис Дебора Л. Скотт Empire нашрига берган интервьюсида. “Фильмга кириб келишганида ҳамма уларни мамнуният билан қарши олади. Худди цирк шаҳарга келгандай”.
Илгари ушбу қабила ҳақида осмонда улкан махлуқлар учаётган концептуал санъат орқали маълумотга эга бўлган эдик, бироқ уларнинг етакчиси айнан шу шахс бўлади.
Скоттнинг сўзларига кўра, Пейлакнинг мураккаб дизайнга эга либослари “шоҳона” кўринишда бўлиши учун ишланган. Кўринадики, бу На’вилар драматик услубни яхши кўришади.
Уларнинг ҳикояси Салли оиласи билан қандай боғланиши ёки Кўл қабиласи билан қандай зиддият юзага келиши ҳали аниқ эмас. Катта эҳтимол билан, ёзнинг бошларида фильмнинг илк трейлер ва плакатлари чиқиши билан бу ҳақда тасаввурга эга бўламиз. Ҳозирча эса “Аватар” оламининг янги На’виларини томоша қилиш ва улар Пандора дунёсига қандай таъсир ўтказишини тахмин қилиш билан чекланамиз.
Джеймс Кэмерон режиссёрлик қилган ва Сэм Уортингтон, Зои Салдана, Стивен Лэнг ва бошқалар иштирок этган “Аватар: Олов ва Кўл” фильми 2025 йили 19 декабрдан бошлаб катта залларга чиқиши режалаштирилган.
