Ўзбекистон Республикаси президенти Шавкат Мирзиёев 29 август куни амалдаги (янги) Конституцияга мувофиқ ва қонунчилик ҳужжатларини тартибга солувчи тузатишлар киритувчи ҳужжатини имзолади.
Уй-жой кодексига киритилган ўзгартиришларга кўра, қонун асосида фуқаронинг уй-жойи давлат мақсадлари учун олинадиган бўлса, унга олдиндан уй нархи ва шу вазият билан боғлиқ бўлган бошқа ҳаражатлари тўлиқлигича қопланиши керак.
Ундан ташқари, бинонинг ташқи кўринишини ўзгартириш, қайта қуриш ва бузиш ишлари шаҳарсозлик қонунчилиги асосида амалга оширилади. Олдинги талқинда, бундай ҳаракатлар ҳокимият қарорларига кўра бажарилиши мумкин эди.
