2026 йил 19 май куни тунда қўшни Тожикистон ҳудудида ер силкиниши қайд этилди. Ерости тўлқинларининг таъсири Ўзбекистоннинг чегарадош ҳудудларида ҳам сезилган.
Фавқулодда вазиятлар вазирлиги Сейсмопрогностик мониторинг Республика маркази маълумотларига кўра, табиий ҳодиса Тошкент вақти билан соат 22:42 да содир бўлган. Зилзила эпицентри Тожикистоннинг Хатлон вилоятига тўғри келиб, унинг координаталари 38,08 даража шимолий кенглик ва 69,14 даража шарқий узунлик сифатида қайд этилди. Эпицентрда ер силкинишининг магнитудаси 4,8 ни, очоғи эса 30 км чуқурликни ташкил этган.
Сейсмологларнинг ҳисоб-китобларига кўра, зилзила ўчоғидан Ўзбекистон пойтахтигача бўлган масофа жануби-ғарбий йўналишда 354 километрни ташкил қилган.
Ерости тебранишлари мамлакатимизнинг Сурхондарё вилоятидаги бир нечта туманларда 2 балл атрофида сезилган. Ҳудудлар кесимида эпицентрдан бўлган масофа ва куч қуйидагича тақсимланди:
- Узун туманида: 2 балл (эпицентрдан 104 км);
- Денов туманида: 2 балл (эпицентрдан 112 км);
- Шўрчи туманида: 2 балл (эпицентрдан 113 км);
- Сариосиё туманида: 2 балл (эпицентрдан 115 км);
- Олтинсой туманида: 2 балл (эпицентрдан 124 км).
Республиканинг бошқа ҳудудларида сезилиш даражаси қайд этилмаган. Ваколатли органлар томонидан вайронагарчиликлар ёки жабрланганлар ҳақида маълумот келиб тушмади.