2026 йил январь-февраль ойларида Ўзбекистонда 45 та уюшган жиноий гуруҳ аниқланди, деб хабар берди ИИВ матбуот хизмати.
ИИВ, ДХХ, Бош прокуратура ва бошқа ҳуқуқни муҳофаза қилувчи тузилмаларнинг ҳамкорликдаги ҳаракатлари билан 6025 та махсус тезкор тадбир ўтказилди, шу жумладан 806 та тунги рейд ва 2876 та тинтув амалга оширилди.
Хабарда айтилишича, 116 та фирибгарлик, 315 та қуролни ноқонуний сақлаш, 86 та қиморхона ташкил этиш, 40 та одам савдоси, 790 та фоҳишахона сақлаш ва ОИТС инфекциясини тарқатиш ҳолатлари фош этилган. Қидирувда бўлган 533 нафар шахс қўлга олинган.
Қурол билан боғлиқ 315 та иш бўйича 4570 дона совуқ қурол, жумладан 50 та бита, 72 та кастет ва 4004 та санчувчи ва кесувчи буюмлар олиб қўйилган. Бундан ташқари, 5814 та патрон ва 3,7 кг портловчи моддалар мусодара қилинган.
Ижтимоий тармоқларда «криминоген вазиятга таъсир ўтказувчи, ёшлар ва аҳоли орасида бузғунчи ҳамда жиноят оламини тарғиб қилувчи ғояларни ўз ичига олган» 47 та аккаунт блокланди, деб қайд этди ИИВ.