Ўзбекистон Олий Мажлиси Қонунчилик палатаси депутатлари 2026 йил 24 февраль куни бўлиб ўтган ялпи мажлисда Феруза Фарҳодовна Эшматовани Инсон ҳуқуқлари бўйича вакил (омбудсман) лавозимига қайта сайладилар. Бу ҳақда парламент қуйи палатаси хабар берди.
Феруза Эшматова (1979 йилда туғилган, мутахассислиги ҳуқуқшунос) илк бор ушбу лавозимга 2021 йилнинг январь ойида сайланган эди. Унгача у Сенатнинг Хотин-қизлар ва гендер тенглик масалалари қўмитаси раиси лавозимида фаолият юритган.
Феруза Эшматованинг омбудсман этиб сайланишини 128 нафар депутат бир овоздан қўллаб-қувватлади, 2 нафар депутат овоз бермади.
У ўз чиқишида қўллаб-қувватлаш ва билдирилган ишонч учун миннатдорчилик билдириб, бу унинг учун «жуда катта шараф, лекин шу билан бирга жуда катта масъулият» эканини қўшимча қилди.
Омбудсман мамлакатдаги барча ислоҳотлар негизида «инсон, унинг шаъни ва қадр-қиммати» ётганини таъкидлади. Мамлакатда қонунчилик босқичма-босқич такомиллаштирилаётгани, инсон ҳуқуқларини ҳимоя қилишнинг мавжуд механизмлари янгиланиб, янгилари яратилаётгани, омбудсман институти олдида бу борада «жуда катта ва муҳим вазифалар» турганини қўшимча қилди.
Инсон ҳуқуқлари бўйича вакил кетма-кет 2 та 5 йиллик муддатдан ортиқ бўлмаган муддатга сайланиши мумкин. Номзод президент томонидан киритилади. Энди уни Сенат тасдиқлаши керак.