2026 йил 21 февраль куни оқшомда Тошкент марказидаги Нукус кўчасида содир бўлган авария оқибатида қора рангли Gentra автомобили жиддий шикастланиб ва светофорни уриб юбориб, қарама-қарши йўналишга чиқиб кетди. Ҳодиса оқибатлари акс этган фото ва видеолар ижтимоий тармоқларда тарқалди.
Пойтахт ИИББ ЙҲХБ маълумотларига кўра, рулда 19 ёшли А. О. бўлган. Глинка кўчаси билан кесишма яқинида автомобиль ўзи билан бир йўналишда ҳаракатланаётган Nexia 3 билан тўқнашган, сўнгра бетон тўсиқ оша учиб ўтиб, чорраҳада тўхтаб турган Cobalt’га урилган.
Воқеа жойига етиб келган тез тиббий ёрдам машинаси ходимлари Gentra ҳайдовчисига биринчи тиббий ёрдам кўрсатишган.
ЙТҲнинг тахминий сабаби юқори тезлик экани айтилмоқда, бу кўчанинг мазкур қисмида мунтазам равишда кузатилади.