Бугун, 19 ноябрь куни футбол бўйича 2026 йилги жаҳон чемпионатининг саралаш босқичида навбатдаги ўйинлар бўлиб ўтади ва Ўзбекистон терма жамоаси меҳмонда Шимолий Кореяга қарши майдонга тушади. Ўйин Лаосда ўтказилади ва Ўзбекистон вақти билан соат 17:00 да бошланади.
Гуруҳдаги бошқа ўйинларда Қирғизистон Эронни ўз майдонида қабул қилса, Қатар Бирлашган Араб Амирликларида меҳмон сифатида тўп суришади. Ўтган ўйиндаги мағлубиятдан сўнг, Ўзбекистон 5 ўйинда 10 очко тўплаган ҳолда 2-ўринда кетмоқда, 3-ўринни Қатар ва БАА терма жамоалари бир хил, 7 очко тўплаган ҳолда, бўлишишмоқда (тўплар нисбати бўйича БАА натижалари юқорироқ).
