Ўзбекистонда автомобилларга газ тўлдириш компрессор станциялари (метан заправкалар) фаолияти яна чекланди. 2026 йил 19 январь куни кечқурун Энергетика вазирлиги бу маълумотни тасдиқлади.
Ушбу куни Тошкентда АГТКСлар ёпилган эди, шу билан бирга пропан заправкалари (суюлтирилган газ) ишлаб турди.
Энергетика вазирлиги хабарида айтилишича, ҳаво ҳарорати пасайиши билан табиий газга бўлган талаб ортган, бу эса айрим ҳудудлардаги газ қувурларида босим пасайишига олиб келган.
Аҳоли, тиббиёт ва таълим муассасалари, шунингдек, жамоат транспортини газ билан таъминлаш устувор вазифа ҳисобланади, деб қайд этди идора.
«Ушбу чоралар фақат совуқ кунларда жорий этилади ва аҳолини газ билан барқарор таъминлашга қаратилган. Вазият барқарорлашиши билан чекловлар олиб ташланади», — деб маълум қилди вазирлик.
Бу гал АГТКСларнинг иш вақти аниқлаштирилмаган — улар ҳар бир ҳудудда вазиятдан келиб чиққан ҳолда белгиланади.