Хитойнинг миллий авиакомпанияси Air China Ўзбекистон бозорига илк бор кириб келди ва Пекин ҳамда Урумчидан Тошкентга мунтазам рейсларни очди.
2025 йил 19 июль оқшомида авиакомпаниянинг Boeing-737 лайнеридаги биринчи рейси Тошкент аэропортига қўнди. Uzbekistan Airports матбуот хизмати хабар беришича, рейслар ҳафтасига 3 марта — сешанба, пайшанба ва шанба кунлари амалга оширилади.
2025 йил 22 июль куни тушдан сўнг Ўзбекистон пойтахтига авиакомпаниянинг Урумчидан биринчи рейси амалга оширилди. У ҳам Boeing-737 самолётида бажарилди. Бу йўналиш бўйича парвозлар ҳам ҳафтасига 3 марта — сешанба, жума ва якшанба кунлари амалга оширилади.
Air China — ХХРнинг энг йирик авиакомпанияларидан бири ва мамлакатнинг расмий флагманидир. 1988 йилда ташкил этилган бўлиб, Star Alliance халқаро альянсига киради ва Пекин Столичний аэропортида жойлашган.
