2026 йил 1 апрелдан бошлаб Ўзбекистонда фото ва видео қайд этишнинг автоматлаштирилган воситалари ёрдамида аниқланган Йўл ҳаракати қоидалари бузилишлари учун жарима баллари бериш бошланади. Бу Вазирлар Маҳкамасининг 2025 йил 25 октябрдаги 676-сонли қарорида назарда тутилган, дея хабар берди Йўл Ҳаракати Хавфсизлиги Хизмати (ЙҲХХ) матбуот хизмати.
Бу йўл ҳаракати хавфсизлигини ошириш ва йўлларда ўлим ҳолатларини камайтиришга ёрдам бериши кераклиги айтилмоқда.
ЙҲХХда аниқлик киритилишича, агар қоидабузарликни эгаси эмас, балки бошқа ҳайдовчи содир этган бўлса (масалан, ишончнома, суғурта полиси ёки йўл варақаси бўйича), баллар айнан ўша ҳайдовчига берилади.
Автомобиль эгаси қоидабузарликни ким содир этганини аниқлаши ва жарима балларини рулда бўлган шахсга ўтказиши мумкин.
Жарима баллари тизимининг самараси
Жарима балларини ҳисоблаш тизими 2025 йил 1 июндан ишга туширилган. Биринчи босқичда баллар фақат ЙҲХХ ходимлари томонидан қайд этилган қоидабузарликлар учун берилмоқда.
ЙҲХХ маълумотларига кўра, тизим жорий этилгандан сўнг ЙҲҚ бузилишлари сони 58% га, ҳайдовчилар айби билан содир бўлган ЙТҲлар сони эса 36% га қисқарди.
2025 йилнинг дастлабки 9 ойида Ўзбекистонда жами 20,8 миллион ЙҲҚ бузилиши қайд этилган, уларнинг 5,2 миллиони (25%) ЙПХ ходимлари томонидан ва 15,6 миллиони (75%) фото ва видеокамералар ёрдамида аниқланган.
Шунингдек, 2025 йил январь-сентябрь ойларида ЙТҲ ва ўлим ҳолатлари сони 2024 йилнинг шу давридаги 9364 ва 1869 га нисбатан мос равишда 5895 ва 1303 тагача қисқаргани хабар қилинган.
