Ўзбекистон фуқаролари Йўл-патруль хизмати ходимининг талабига биноан паспорт (ID-карта) ёки ҳайдовчилик гувоҳномасини тақдим этишлари шарт. 2025 йил 1 июлдан кучга кирган ҳужжатларнинг рақамли версияларини қоғоз шаклидагилари билан тенг равишда тан олиш қоидалари бу соҳага татбиқ этилмайди, дея маълум қилди ЙҲХББ матбуот хизмати.
Ҳужжатларнинг рақамли версиялари ЙҲХББнинг Маъмурий амалиёт марказида ҳамда фуқароларга давлат хизматлари кўрсатиладиган имтиҳон ва рўйхатдан ўтказиш бўлимларида тан олинади. Маъмурий жавобгарлик тўғрисидаги кодексда паспорт ёки ҳайдовчилик гувоҳномаси транспорт воситасини бошқариш мумкин бўлмаган ҳужжатлар қаторига киритилган, дея қайд этилди хизматда.
Ҳужжатларнинг 17 турига (рўйхат) оид рақамли версиялари эндиликда Ягона интерактив давлат хизматлари портали MyGov ва «Ижтимоий карта» (ҳозирда ишлаб чиқилмоқда) иловаларида мавжуд.
Рақамли ҳужжатлар мамлакат ичидаги рейсларга рўйхатдан ўтишда аэропортларда тан олина бошлаган.
