Ўзбекистоннинг Наманган вилояти ҳудудида навбатдаги ер силкиниши кузатилди. Маълум қилинишича, зилзила 2026 йил 7 февраль куни маҳаллий вақт билан соат 20:22 да содир бўлган.
Сейсмопрогностик мониторинг республика маркази маълумотларига кўра, зилзила маркази Наманган вилоятининг Янгиқўрғон туманида жойлашган бўлиб, унинг магнитудаси 2,8 ни ташкил этган. Ер силкиниши 5 километр чуқурликда юз берган. Эпицентр Тошкент шаҳридан 206 километр жануби-шарқий йўналишда жойлашган.
Ер силкиниши Наманган вилоятининг бир нечта ҳудудларида сезилган:
- Наманган шаҳрида 2-3 балл (эпицентрдан 9 км);
- Наманган туманида 2 балл (эпицентрдан 16 км);
- Чортоқ туманида 2 балл (эпицентрдан 19 км).
Ҳодиса оқибатида жабрланганлар ва вайронагарчиликлар ҳақида маълумот келиб тушмаган.