Самарқанд вилоятининг Тойлоқ туманида 2025 йил 26 июль куни “Zeboyi Jahon” тахаллуси билан танилган хонанда Зебинисо Носирова ўлдирилди. Бу ҳақда “Миллий ТВ” телеканалининг “Миллар” дастури хабар берди.
Қотилликда марҳуманинг турмуш ўртоғи гумон қилинмоқда, у болаларини кўриш учун уйига келган. Телеканалнинг хабар беришича, эр-хотин ўртасида можаро келиб чиққан ва эркак хотинини қўллари билан бўғиб ўлдирган. Аёл воқеа жойида вафот этган.
“Опам бундай ўлимга лойиқ эмасди. Ўша куни мен тез ёрдам хизматида ишда эдим. Тахминан соат 4 да хотиним қўнғироқ қилиб, опамга нимадир бўлганини айтди. Онамга қўнғироқ қилдим – у: “Тез етиб кел, уни ўлдиришди”, деди. 3 ўғилнинг онаси бўлган турмуш ўртоғига бундай муносабатда бўлиш мумкинми?” — деди марҳуманинг акаси ва энг оғир жазо тайинлашни сўради.
Бош прокурор матбуот котиби Ҳаёт Шамсутдиновнинг хабар беришича, эркакка (1992 й.т.) Ўзбекистон Республикаси Жиноят кодексининг 97-моддаси 1-қисми (қасддан одам ўлдириш) бўйича жиноят иши қўзғатилган ва у ҳибсга олинган.
Марҳума (1991 йилда туғилган) уч фарзанднинг онаси эди.
