Янги Ўзбекистон боғи олдидан Тошкентга кириш йўналиши 2025 йил 9 июлдан бошлаб бир ой муддатга ёпилди, дея хабар берди Мирзо Улуғбек тумани ҳокимлиги.
Бу кўча ўрнида пиёдалар сайр қилиш зонаси ташкил этилган ҳолда автомобиль туннели қурилиши ишлари билан боғлиқ. Айланиб ўтиш паркнинг орқа томонидан ташкил этилган.
Бунгача транспорт ҳаракати иккинчи даражали кўча орқали амалга оширилган эди. Тошкент вилояти томон йўналишда айланма йўл ҳали ҳам амал қилмоқда.
Узунлиги 600 метр бўлган туннель «Янги Ўзбекистон» боғи ва Олимпия шаҳарчасини ягона ансамблга бирлаштиради. Ишларни Мустақиллик байрамигача якунлаш режалаштирилган эди.
Айнан шу жойда пойтахтни Янги Тошкент билан боғлайдиган бўлажак метро станцияси қурилиши ҳам олиб борилмоқда.
