Ўзбекистонда халқаро аккредитациядан ўтган Ягона имтиҳон тизимини жорий этиш кутилмоқда. Ушбу ташаббус 2025 йил 8 сентябрь куни президент ҳузурида ўтказилган йиғилишда илгари сурилган.
Ҳозирда ўқувчилар бир вақтнинг ўзида 3 хил имтиҳон топширишади: мактабни битириш имтиҳони, олий ўқув юртларига кириш имтиҳони ва сертификат олиш учун фан имтиҳонлари. Бу имтиҳонларни битта — Ягона давлат имтиҳони (ЯДИ)га бирлаштириш режалаштирилган бўлиб, бу ортиқча жараёнлар ва кераксиз бюрократиянинг олдини олишга ёрдам бериши керак.
Шунингдек, бу ўқувчилар вақтини тежашга ва ота-оналарнинг молиявий юкини камайтиришга ёрдам бериши кутилмоқда.
Россия ЕГЭси (Единый государственный экзамен) аналогини жорий этиш ғояси Ўзбекистонда биринчи марта муҳокама қилинаётгани йўқ.
2020 йил апрель ойида мажбурий фанлар ва мактаб битирувчиси танлаган бакалавриат йўналиши бўйича иккита фандан ягона тест ўтказиш таклиф қилинган эди.
2022 йил июль ойида бу масала яна кун тартибига қайтди. 2024/2025 ўқув йилидан бошлаб мактаб битирувчиларининг якуний давлат аттестацияси ва олий ўқув юртларига кириш имтиҳонларини мажбурий фанлар ва бакалавриат йўналишлари фанлари бўйича ягона тест ўтказиш орқали бирлаштириш таклиф қилинган.
