Янгиланиш: 1 декабрга ўтар кечаси ўсмир бола топилгани маълум бўлди.
Тошкент шаҳрида 2025 йил 29 ноябрь куни уйидан машғулотга чиқиб кетиб, бедарак йўқолган 14 ёшли мактаб ўқувчиси М. З. ни қидириш ишлари олиб борилган эди.
Яқинларининг сўзларига кўра, у 29 ноябрь куни соат тахминан 18:30 да Яккасарой туманидаги уйидан чиқиб кетган. У машғулот жойига етиб бормаган ва уйига қайтмаган.
Ўсмир қора куртка, тўқ кўк кепка, тўқ рангли шим ва кроссовкада бўлган. Бўйи тахминан 183 см, кўзлари тўқ жигарранг.
«Илгари у ҳеч қачон ғойиб бўлмаган. Соғлиғи жойида. 144-мактабнинг 8 «А» синфида ўқийди. Ёнида спорт сумкаси ва алиштириладиган кийимлари бўлган. Телефони ва карталарини уйда қолдирган», — дейишган боланинг яқинлари.
Ўқувчини кўрган ёки у ҳақида маълумотга эга бўлганлардан 102 рақамига қўнғироқ қилишлари сўралган эди.
Эслатма: Ҳозирда йўқолган бола топилган ва унинг аҳволи яхши эканлиги тасдиқланган.