2025 йил март ўрталаридан сентябрь ўрталаригача Тошкент автобусларида йўл кира ҳақини тўламаганлик учун 6182 киши жаримага тортилди, деб хабар берди Ўзбекистон Транспорт вазирлиги матбуот хизмати.
Чиптасиз юриш ҳолатлари транспорт инспекторларининг рейдлари давомида аниқланмоқда. Жарима миқдори базавий ҳисоблаш миқдорининг ўндан бир қисми — 41,2 минг сўмни ташкил этади.
2025 йил 1 январдан бошлаб Тошкент автобуслари салонида нақд пул билан тўлаш тақиқланган эди. Ҳукумат йўловчиларга янги тўлов тизимига кўникишлари учун вақт берди ва 14 мартдан бошлаб жарима қўллашни бошлади.
Транспорт вазирлиги йўловчиларга QR-кодли бир марталик чипта билан тўлов қилган тақдирда, уни сафар охиригача сақлаб қолиш зарурлигини эслатди.
Йўл кира ҳақини АТТО транспорт ва виртуал карталари, исталган банкнинг UzCard ва Humo контактсиз карталари, халқаро карталар ва тўлов иловалари орқали тўлаш мумкин. Нақд пулга бир марталик чипта сотиб олиш мумкин, бунда нарх 3000 сўмгача (нақд пулсиз тўловда 1700 сўмга қарши) ошади.
