Ўзбекистон ташқи ишлар вазири ўринбосари Олимжон Абдуллаев 2026 йил 26 январь куни Россия элчиси Алексей Ерховни қабул қилди, деб хабар берди ТИВ матбуот хизмати.
Томонлар Россияда меҳнат қилаётган Ўзбекистон фуқароларининг ҳуқуқларини ҳимоя қилиш масалаларини муҳокама қилдилар. Музокараларда Ўзбекистоннинг Россия минтақаларидаги бош консуллари, шунингдек, Россия консуллик бўлими, миграция хизматлари ва ҳуқуқни муҳофаза қилиш органлари вакиллари иштирок этди.
Ўзбекистон томони «миграция текширувлари ва рейдлари давомида Ўзбекистон фуқароларининг — хоҳ қонунга итоаткор шахслар бўлсин, хоҳ миграция қонунчилигини бузган фуқаролар бўлсин — ҳуқуқлари ва инсоний қадр-қиммати камситилишининг ҳар қандай шаклига йўл қўйилмаслиги принципиал муҳим эканини» алоҳида таъкидлади.
Ҳар икки томон ўзаро ҳамкорликни доимий равишда такомиллаштириш ва алоқаларни мустаҳкамлаш учун мунтазам консуллик маслаҳатлашувлари ва икки томонлама учрашувлар ўтказиш зарурлигини тасдиқладилар.