Ўзбекистон Президенти Шавкат Мирзиёев ўз фармони билан ўз Администрациясининг яна беш нафар вакилини тайинлади, дея хабар берди давлат раҳбари матбуот котиби Шерзод Асадов.
Тайинловлар:
- Эркин Тўрақул ўғли Йўлдошев — Президент Администрацияси Комплаенс хизмати бошлиғи (аввал — Тошкент прокурори);
- Азизбек Аллабергенович Ўрунов — Президентнинг Жаҳон савдо ташкилоти бўйича вакили (бунгача — Президентнинг ЖСТ масалалари бўйича махсус вакили);
- Азиз Йўлдошевич Мағрупов — Президентнинг хорижий инвестициялар масалалари бўйича вакили (аввал — Президентнинг хорижий инвестициялар масалалари бўйича маслаҳатчиси);
- Алишер Саидаббосович Султонов — Президентнинг энергетика хавфсизлиги масалалари бўйича вакили (аввал — Президентнинг энергетика хавфсизлиги масалалари бўйича маслаҳатчиси);
- Одил Қаландарович Абдураҳмонов — Президентнинг спорт масалалари бўйича вакили (бунгача — Президент Администрацияси Ижтимоий ривожланиш департаменти раҳбари).
Бунгача Президент Администрацияси тузилмасидаги қатор бошқа тайинловлар ва ўзгаришлар ҳақида хабар берилган эди.
